Transcription
1
Monseigneur, j’ay receu la vostre du XIIe et m’assure
2
que despuis icelle escritte, haurés receu deux des
3
miennes avecques les dépesches du sieur Ludovic qui
4
me guardera vous fère reditte du contenu en icelles. Nous
5
avons opinion que Don Joan d’Austria soit parti
6
de Messine pour aller en Corsse treuver l’armée
7
de la Ligue ayant esté commandé du roy Philippe
8
par courrier exprès d’ainsi le fère, l’assurant
9
qu’il n’y a dangier de rupture de paix entre
10
luy et nostre roy, ce qu’il a faict semblablement
11
entendre au gouverneur de Milan. Les nouvelles que
12
le siège aye esté levé devant Castelnovo se
13
continuent. Nous attendons demain nouvelles de Gênes
14
pour la voye de Carmagnolle. S’il y aura chose
15
qui mérite advis, ne fauldrey incontinent, monseigneur,
16
le vous fère entendre. Monsieur de Belleguarde
17
est de retour de la court à Turin, mais je
18
n’ay peu entendre comme il soit venu résolu
19
sur les différens qu’ont esté entre le sieur
20
Ludovic et luy. L’on ha promit la seigneure
21
Uriane, la plus jeune des fillies de feu monsieur
22
de Montbasin au seigneur Jean de Laquasche,
23
riche, ou bien son père, duquel il est unicque,
24
de trois mille escutz de revenu et par la
25
[v°] reddition de comptes des intérés de ladite seigneure, elle
26
se treuve avoir de mariage de 13 à 14 mille escutz,
27
le tout provenant du costé de sa mère, sauf
28
mille et six escutz que monte à sa part l’héritage
29
de feu monsieur de Monbasin. Monsieur le duc
30
de Savoye ha mits à Turin, Fossan et Coni
31
toutte sa cavallerie en garnison et faict faire
32
grosse guarde dans lesdytes villes. Pour les habitans
33
mesmes, il faict fortifier en diligence Villeneufve
34
d’Ast, qu’est tout ce que vous puis escrire à présent,
35
priant le Créateur,
36
Monseigneur, vous donner en parfaicte santé,
37
très heureuse et longue vie. De Saluces, ce
38
XVe julliet 72
39
Votre très humble et affectionné
40
serviteur
41
Mathieu Bovier